आरती भुवनसुंदराची

1

आरती भुवनसुंदराची । इंदिरावरा मुकुंदाची ॥ धृ ॥

2

पद्मसम पादयुग्मरंगा । ओंवाळणी होति भृंगा । नखमणि श्रवताहे गंगा । जे कां त्रिविधतापभंगा ॥

3

वर्तुळ गुल्फ भ्राजमाने । किंकिणीक्वणित, नाद घणघणित, बांकिवर झुणित, नेपुरें झनन मंजिरीची । झनन ध्वनी मंजिरीची ॥१॥ आरती भुवन

4

पीतपट हाटकतप्तवर्णी । कांची नितंबसुस्थानीं । नाभिची अगाध हो करणी । विश्वजनकाची जे जननी ॥

5

त्रिवलीललित उदरशोभा । कुंबुगळां माळ विलम्बित, झळाळ कौस्तुभ, सरळ बाहु श्रिवत्स तरल मणि मरळ कंकणाची । प्रीति बहु, जडित कंकणाची ॥२॥ आरती भुवन

6

इंदुसम आस्य कुंदरदना । अधरारुणार्कबिंबवदना । पाहतां भ्रांति पडे मदना । सजलमेयब्धि दैत्यदमना ॥

7

झळकत महरकुंडलाभा । कुटिल कुंतलीं, मयुरपत्रावली वेष्टिली, तिलक भालिं, केशरी झळाळित कृष्णकस्तुरीची । अक्षता काळि कस्तुरीची ॥ ३॥ आरती भुवन

8

कल्पद्रुमातळीं मूर्ती । सौदामिनी कोटिदिप्ती । गोपीगोपवलयभंवती । त्रिविष्टप पुष्पवृष्टि करिती ॥

9

मंजुळ मधुर मुरलिनदें । चकित गंधर्व, चकित अप्सरा, सुरागिरिवरा, धरा कर्पुरारतीनें प्रेमयुक्त सची । आरती ओंवळित साची ॥ ४॥ आरती भुवन

10

वृंदावनिंचे विहरणि । सखे गे कृष्णमायबहिणी । श्रमलों भवाभ्धिचे फिरणीं । आतां मज ठाव देई चरणीं ॥

11

अहा हे पूर्ण पुण्यश्लोका । नमितों चरण शरण, मी करुणा येऊं दे विशालपाणी, कृष्ण नेणतें बाळ आपुलें, राखि लाज याची ॥ ५॥ आरती भुवन