Shri Sharada Ramakrishna Ashtakam

1

करुणाघनमूर्तिधरौ भवतापहरौ निरवधितृप्तिकरौ। निरुपमपरमानन्दौ नौमि शारदारामकृष्णौ॥

2

सर्वेश्वरौ स्वतन्त्रौ सर्वाश्रयौ सर्वचराचरस्थौ। समस्तकर्मसाक्षिणौ श्रये शारदारामकृष्णौ॥

3

भगवद्भक्तिदायकौ भ्रान्तिकामकर्मक्लेशनाशकौ। भारूपौ भीतिहरौ भजे शारदारामकृष्णौ॥

4

जयतां क्षमाविग्रहौ कटाक्षपापिनिखिलपापहारिणौ। सुकृति पुण्यविवर्धनौ शिवदशारदारामकृष्णौ॥

5

क्वचित् सीता राघवौ क्वचित् राधिका गोपीप्रियौ। शारदारामकृष्णौ परमार्थतः परमं ज्योतिरेकम्॥

6

चिरतापितदीनजने कृपया प्राप्त चरणाश्रयेण। अभाजने मयि नितरां प्रसीदतां शारदारामकृष्णौ॥

7

ईड़ए मङ्गललीलौ कालाबाधितसुखोपास्यरूपौ। अगणितशुभगुणाकरौ वरदशारदारामकृष्णौ॥

8

सुचारुचरणपङ्कजे सुरनरविनम्रभावपरिशीलिते। याचे परमपावनौ रतिं शारदारामकृष्णौ॥

9

आर्याष्टकमिदं पुण्यं भक्ताभीष्ट प्रदायकम्। पठ्यतां गीयतां नित्यं सर्वैः श्रद्धासमन्वितैः॥