Radha Chalisa

Doha 1

श्री राधे वृषभानुजा, भक्तनि प्राणाधार। वृन्दाविपिन विहारिणि, प्रणवौं बारंबार॥

Shri Radhe Vrishabhanuja, bhaktani pranadhar. Vrindavipin viharini, pranavaun barambar.

Doha 2

जैसौ तैसौ रावरौ, कृष्ण प्रिया सुखधाम। चरण शरण निज दीजिये, सुन्दर सुखद ललाम॥

Jaisau taisau ravrau, Krishna priya sukhdham. Charan sharan nij deejiye, sundar sukhad lalam.

Chaupai 1

जय वृषभानु कुँवरि श्री श्यामा। कीरति नंदिनी शोभा धामा॥

Jai Vrishabhanu kunvari Shri Shyama. Keerati nandini shobha dhama.

Chaupai 2

नित्य विहारिनि श्याम अधारा। अमित मोद मंगल दातारा॥

Nitya viharini Shyam adhara. Amit mod mangal datara.

Chaupai 3

रास विलासिनि रस विस्तारिनि। सहचरि सुभग यूथ मन भावनि॥

Ras vilasini ras vistarini. Sahchari subhag yooth man bhavani.

Chaupai 4

नित्य किशोरी राधा गोरी। श्याम प्राणधन अति जिय भोरी॥

Nitya kishori Radha gori. Shyam pranadhan ati jiya bhori.

Chaupai 5

करुणा सागर हिय उमंगिनी। ललितादिक सखियन की संगिनी॥

Karuna sagar hiya umangini. Lalitadik sakhiyan ki sangini.

Chaupai 6

दिन कर कन्या कूल विहारिनि। कृष्ण प्राण प्रिय हिय हुलसावनि॥

Din kar kanya kool viharini. Krishna praan priya hiya hulasavani.

Chaupai 7

नित्य श्याम तुमरौ गुण गावैं। राधा राधा कहि हरषावैं॥

Nitya Shyam tumrau gun gavain. Radha Radha kahi harshavain.

Chaupai 8

मुरली में नित नाम उचारें। तुव कारण लीला वपु धारें॥

Murali mein nit nam ucharain. Tuv karan leela vapu dharain.

Chaupai 9

प्रेम स्वरूपिणि अति सुकुमारी। श्याम प्रिया वृषभानु दुलारी॥

Prem swaroopini ati sukumari. Shyam priya Vrishabhanu dulari.

Chaupai 10

नवल किशोरी अति छवि धामा। द्युति लघु लगै कोटि रति कामा॥

Naval kishori ati chhavi dhama. Dyuti laghu lagai koti rati kama.

Chaupai 11

गौरांगी शशि निंदक बदना। सुभग चपल अनियारे नयना॥

Gaurangi shashi nindak badana. Subhag chapal aniyare nayana.

Chaupai 12

जावक युत युग पंकज चरना। नूपुर धुनि प्रीतम मन हरना॥

Javak yut yug pankaj charana. Noopur dhuni preetam man harana.

Chaupai 13

संतत सहचरि सेवा करहीं। महा मोद मंगल मन भरहीं॥

Santat sahchari seva karahin. Maha mod mangal man bharahin.

Chaupai 14

रसिकन जीवन प्राण अधारा। राधा नाम सकल सुख सारा॥

Rasikan jeevan praan adhara. Radha nam sakal sukh sara.

Chaupai 15

अगम अगोचर नित्य स्वरूपा। ध्यान धरत निशिदिन ब्रज भूपा॥

Agam agochar nitya swaroopa. Dhyan dharat nishidin Braj bhoopa.

Chaupai 16

उपजेउ जासु अंश गुण खानी। कोटिन उमा रमा ब्रह्मानी॥

Upajeu jasu ansh gun khani. Kotin Uma Rama Brahmani.

Chaupai 17

नित्य धाम गोलोक विहारिनि। जन रक्षक दुख दोष नसावनि॥

Nitya dham Goloka viharini. Jan rakshak dukh dosh nasavani.

Chaupai 18

शिव अज मुनि सनकादिक नारद। पार न पाँइ शेष अरु शारद॥

Shiv Aj muni Sanakadik Narad. Paar na paain Shesh aru Sharad.

Chaupai 19

राधा शुभ गुण रूप उजारी। निरखि प्रसन्न होत बनबारी॥

Radha shubh gun roop ujari. Nirakhi prasann hot Banbari.

Chaupai 20

ब्रज जीवन धन राधा रानी। महिमा अमित न जाय बखानी॥

Braj jeevan dhan Radha Rani. Mahima amit na jaay bakhani.

Chaupai 21

प्रीतम संग देइ गलबाँही। बिहरत नित वृन्दावन माँही॥

Preetam sang dei galbaanhi. Biharat nit Vrindavan maanhi.

Chaupai 22

राधा कृष्ण कृष्ण कहैं राधा। एक रूप दोउ प्रीति अगाधा॥

Radha Krishna Krishna kahain Radha. Ek roop dou preeti agadha.

Chaupai 23

श्री राधा मोहन मन हरनी। जन सुख दायक प्रफुलित बदनी॥

Shri Radha Mohan man harani. Jan sukh dayak praphulit badani.

Chaupai 24

कोटिक रूप धरें नंद नंदा। दर्श करन हित गोकुल चन्दा॥

Kotik roop dharain Nand Nanda. Darsh karan hit Gokul Chanda.

Chaupai 25

रास केलि करि तुम्हें रिझावें। मान करौ जब अति दुःख पावें॥

Ras keli kari tumhein rijhaavein. Maan karau jab ati dukh paavein.

Chaupai 26

प्रफुलित होत दर्श जब पावें। विविध भांति नित विनय सुनावें॥

Praphulit hot darsh jab paavein. Vividh bhaanti nit vinay sunaavein.

Chaupai 27

वृन्दारण्य विहारिनि श्यामा। नाम लेत पूरण सब कामा॥

Vrindaranya viharini Shyama. Nam let pooran sab kama.

Chaupai 28

कोटिन यज्ञ तपस्या करहू। विविध नेम व्रत हिय में धरहू॥

Kotin yagya tapasya karahu. Vividh nem vrat hiya mein dharahu.

Chaupai 29

तऊ न श्याम भक्तहिं अपनावें। जब लगि राधा नाम न गावें॥

Tau na Shyam bhakatahin apnavein. Jab lagi Radha nam na gavein.

Chaupai 30

वृन्दाविपिन स्वामिनी राधा। लीला वपु तब अमित अगाधा॥

Vrindavipin swamini Radha. Leela vapu tab amit agadha.

Chaupai 31

स्वयं कृष्ण पावैं नहिं पारा। और तुम्हें को जानन हारा॥

Swayam Krishna paavain nahin para. Aur tumhein ko janan hara.

Chaupai 32

श्री राधा रस प्रीति अभेदा। सादर गान करत नित वेदा॥

Shri Radha ras preeti abheda. Sadar gan karat nit veda.

Chaupai 33

राधा त्यागि कृष्ण को भजिहैं। ते सपनेहु जग जलधि न तरिहैं॥

Radha tyagi Krishna ko bhajihain. Te sapnehu jag jaladhi na tarihain.

Chaupai 34

कीरति कुँवरि लाड़िली राधा। सुमिरत सकल मिटहिं भवबाधा॥

Keerati kunvari ladili Radha. Sumirat sakal mitahin bhavbadha.

Chaupai 35

नाम अमंगल मूल नसावन। त्रिविध ताप हर हरि मनभावन॥

Nam amangal mool nasavan. Trividh taap har Hari manbhavan.

Chaupai 36

राधा नाम लेइ जो कोई। सहजहि दामोदर बस होई॥

Radha nam lei jo koi. Sahajahi Damodar bas hoi.

Chaupai 37

राधा नाम परम सुखदाई। भजतहिं कृपा करहिं यदुराई॥

Radha nam param sukhdai. Bhajatahin kripa karahin Yadurai.

Chaupai 38

यशुमति नन्दन पीछे फिरिहैं। जो कोऊ राधा नाम सुमिरिहैं॥

Yashumati nandan peechhe phirihain. Jo koo Radha nam sumirihain.

Chaupai 39

रास विहारिनि श्यामा प्यारी। करहु कृपा बरसाने वारी॥

Ras viharini Shyama pyari. Karahu kripa Barsane vari.

Chaupai 40

वृन्दावन है शरण तिहारी। जय जय जय वृषभानु दुलारी॥

Vrindavan hai sharan tihari. Jai jai jai Vrishabhanu dulari.

Doha

श्रीराधा सर्वेश्वरी, रसिकेश्वर घनश्याम। करहुँ निरंतर बास मैं, श्रीवृन्दावन धाम॥

Shri Radha sarveshwari, rasikeshwar ghanshyam. Karahun nirantar baas main, Shri Vrindavan dham.