Umamaheshvara Ashtakam

1

पितामहशिरच्छेदप्रवीणकरपल्लव। नमस्तुभ्यं नमस्तुभ्यं नमस्तुभ्यं महेश्वर!॥

2

निशुम्भशुम्भप्रमुखदैत्यशिक्षणदक्षिणे। नमस्तुभ्यं नमस्तुभ्यं नमस्तुभ्यं महेश्वरि॥

3

शैलराजस्य जामातः शशिरेखावतंसक। नमस्तुभ्यं नमस्तुभ्यं नमस्तुभ्यं महेश्वर!॥

4

शैलराजात्मजे! मातः शातकुम्भनिभप्रभे! नमस्तुभ्यं नमस्तुभ्यं नमस्तुभ्यं महेश्वरि॥

5

भूतनाथपुराराते! भुजङ्गकृतभूषण! नमस्तुभ्यं नमस्तुभ्यं नमस्तुभ्यं महेश्वर!॥

6

पादप्रणतभक्तानां पारिजातगुणाधिके। नमस्तुभ्यं नमस्तुभ्यं नमस्तुभ्यं महेश्वरि॥

7

हालास्येश दयामूर्त्ते! हालाहललसद्गल। नमस्तुभ्यं नमस्तुभ्यं नमस्तुभ्यं महेश्वर!॥

8

नितम्बिनि महेशस्य कदम्बवननायिके!। नमस्तुभ्यं नमस्तुभ्यं नमस्तुभ्यं महेश्वरि॥