Jambunathashtakam

1

श्रितभृतिबद्धपताकः कलितोत्पलवननवमदोद्रेकः। अखिलाण्डमातुरेकः सुखयत्वस्मांस्तपःपरीपाकः॥

2

कश्चन कारुण्यझरः कमलाकुचकलशकषणनिशितशरः। श्रीमान् दमितत्रिपुरः श्रितजम्बूपरिसरश्चकास्तु पुरः॥

3

शमितस्मरदवविसरः शक्राद्याशास्यसेवनावसरः। करिवनघनभाग्यभरो गिरतु मलं मम मनस्सरःशफरः॥

4

गृहिणीकृतवैकुण्ठं गेहितजम्बूमहीरुडुपकण्ठम्। दिव्यं किमप्यकुण्ठं तेजः स्तादस्मदवनसोत्कण्ठम्॥

5

कृतशमनदर्पहरणं कृतकेतरफणितिचारिरथचरणम्। शक्रादिश्रितचरणं शरणं जम्बूद्रुमान्तिकाभरणम्॥

6

करुणारसवारिधये करवाणि नमः प्रणम्रसुरविधये। जगदानन्दधुनिधये जम्बूतरुमूलनिलयसन्निधये॥

7

कश्चन शशिचूडालं कण्ठेकालं दयौघमुत्कूलम्। श्रितजम्बूतरुमूलं शिक्षितकालं भजे जगन्मूलम्॥

8

इति जम्बुनाथाष्टकं सम्पूर्णम्॥