Shri Ganesha Mangala Ashtakam

1

गजाननाय गाङ्गेय सहजाय सदात्मने। गौरीप्रियतनूजाय गणेशायास्तु मङ्गलम्॥

2

नागयज्ञोपवीताय नतविघ्नविनाशिने। नन्द्यादिगणनाथाय नायकायास्तु मङ्गलम्॥

3

इभवक्त्राय चेन्द्रादिवन्दिताय चिदात्मने। ईशानप्रेमपात्राय नायकायास्तु मङ्गलम्॥

4

सुमुखाय सुशुण्डाग्रोक्षिप्तामृतघटाय च। सुरवृन्दनिषेव्याय चेष्टदायास्तु मङ्गलम्॥

5

चतुर्भुजाय चन्द्रार्धविलसन्मस्तकाय च। चरणावनतानर्थतारणायास्तु मङ्गलम्॥

6

वक्रतुण्डाय वटवे वन्याय वरदाय च। विरूपाक्षसुतायास्तु विघ्ननाशाय मङ्गलम्॥

7

प्रमोदमोदरूपाय सिद्धिविज्ञानरूपिणे। प्रकृष्टपापनाशाय फलदायास्तु मङ्गलम्॥

8

मङ्गलं गणनाथाय मङ्गलं हरसूनने। मङ्गलं विघ्नराजाय विघहर्त्रेस्तु मङ्गलम्॥

9

श्लोकाष्टकमिदं पुण्यं मङ्गलप्रदमादरात्। पठितव्यं प्रयत्नेन सर्वविघ्ननिवृत्तये॥

10

इति श्रीगणेशमङ्गलाष्टकं सम्पूर्णम्। गणापतिमङ्गलाष्टकं॥