svaprabhusvarUpanirUpaNAShTakam

1

स्वामिनीभावगौरस्य स्वस्वरूपं प्रपश्यतः। कटाक्षैर्विठ्ठलेशस्य श्यामताचित्रितं वपुः॥

2

स्वास्मिन्नभयभावेन स्वेषामुभयरूपताम्। स्पष्टं बोधयितुं गौरश्यामः श्रीविठ्ठलेश्वरः॥

3

निजाचार्योदितस्वीयमार्गसेव्यस्वरूपताम्। बोधयन्नभयात्माऽयं गौरश्यामो विराजते॥

4

रसस्य द्विविधस्यापि स्वरूपे बोधयन् स्थितिम्। ऐक्यं विरुद्धधर्मत्वाद्गौरश्यामः कृपानिधिः॥

5

स्त्रीभावभगवद्भावोभयात्मेति विबोधितुम्। स्वस्वरूपं हरिर्गौरश्यामः श्रीविठ्ठलेश्वरः॥

6

भावात्मकत्वतो दृष्टिर्हासलीलाकृतिस्तथा। अतो विलोक्यते गौरश्यामः श्रीविठ्ठलेश्वरः॥

7

निजानन्दप्रदानेन व्यवधाने दिवानिशम्। न करोति व्रजस्थानमिति श्रीमत्प्रभुस्तथा॥

8

सर्वात्मकामभावात्मस्वरूपं बोधयन्प्रभुः। श्रीविठ्ठलेश्वरोऽस्माकं गौरश्यामो विराजते॥