Siddheshvara Ashtakam with Translation

1

महातीर्थराजस्य तीरे विभान्तं महाभूतिरूपं महात्मैकवेद्यम्। महासिद्धिपूगप्रदानैकदक्षं भजामैव सिद्धेश्वरं चित्त शम्भुम्॥

2

(variation सिद्धशम्भुम्) मनोजस्त्वदक्ष्यग्निभस्मावशेषः मदान्धश्च दक्षो गतश्शोच्यभावम्। मनोजातदाक्ष्याग्नितान्तो मदान्धः भजे निर्मदत्वाय सिद्धेश्वरं त्वाम्॥

3

इयं चापि गङ्गा निबद्धा कपर्दे मदाढ्या यतस्सा कणक्षीरकल्पम्। विसृष्टा जगत्पापनाशाय येन स्वयं चित्त सिद्धेश्वरं चिन्तयैनम्॥

4

(variation स्वयंसिद्ध) न तेऽन्तो न चादिर्हरिस्सोऽपि धाता वराहीभवन्नूर्ध्वहंसीभवंश्च। दधाते हि साक्ष्यं भजे भान्तमेव (variation तदा ते हि साक्ष्यं भजेतां तमेव) महालिङ्गरूपेण सिद्धेश्वरं त्वाम्॥

5

शिवोऽयं प्रदेशो महान् मध्यदेशः शिवा जाह्नवी नित्यसिद्धप्रवाहा। शिवस्त्वं शिवं नित्यसिद्धं ददानः शिवो नः सदा देव सिद्धेश्वर स्याः॥

6

पदाब्जे त्वदीये स्वकीयाक्षिपद्मं पुरा भूषणत्वेन नारायणोऽदात्। इतीदं पुरावृत्तमद्यात्र सत्यं बदर्यो हरिस्साधु सिद्धेश्वरादात्॥

7

कपर्दात् त्वदीयाद्विसृष्टापि गङ्गा पुनस्सेवितुं त्वामहो बद्धवाञ्छा। सकाशे त्वदीयेऽतिभारप्रवाहा निजाम्भोऽभिषेकाय सिद्धेश्वरागात्॥

8

न मत्तोऽस्म्यहं चेन्न मत्तोऽसि भिन्नः नमत्तोषितस्त्वं नमत्तोषदाता। न मत्तोऽसि भिन्नस्त्वमित्यैक्य तोषं नमद्भ्यः प्रदेहीह सिद्धेश्वर त्वम्॥

9

इति प्रयागसिद्धेशभक्ति भृज्जनता हृदि। श्लोकाष्टकमिदं पुण्यं नित्यं वर्धयतां शुभम्॥

10

इति महापेरियवा श्री चन्द्रशेखरेन्द्रसरस्वतीविरचितं सिद्धेश्वराष्टकं सम्पूर्णम् ।॥

11

सिद्धेश्वराष्टकम् सार्थम्॥

12

Siddheshvara Ashtakam with Translation महातीर्थ-राजस्य तीरे विभान्तम् महाभूति-रूपं महात्मैक-वेद्यम्। महासिद्धि-पूग-प्रदानैक-दक्षम् भजात्रैव सिद्धेश्वरं चित्त शम्भुम्॥