Shri Anantanandacharyakritam Yatindra Ashtakam

1

नमो भगवते श्रीमत्सुशीलानन्ददायिने। राघवानन्दशिष्याय यतीन्द्राय नमो नमः॥

2

नमो भगवते श्रीमत्सूनवे पुण्यसद्मनः। आचार्यसार्वभौमाय यतीन्द्राय नमो नमः॥

3

नमो भगवते श्रीमद्रामानन्दाय धीमते। आनन्दभाष्यकाराय यतीन्द्राय नमो नमः॥

4

नमो भगवते श्रीमद्वैष्णवधर्मरक्षिणे। विजेत्रेऽनन्तसिद्धानां यतीन्द्राय नमो नमः॥

5

नमो भगवते श्रीमद्रामभक्तिप्रचारिणे। सम्प्रदायाब्धिचन्द्राय यतीन्द्राय नमो नमः॥

6

नमो भगवते श्रीमद्विशिष्टाद्वैतवादिने। वादिवारणसिंहाय यतीन्द्राय नमो नमः॥

7

नमो भगवते श्रीमद्रामाय गुणसिन्धवे। तीर्थराजेऽवतीर्णाय यतीन्द्राय नमो नमः॥

8

नमो भगवते श्रीमद्वेदतत्त्वार्थभाषिणे। निगमागमरक्षित्रे यतीन्द्राय नमो नमः॥