Shiva Stotra

Mantra

ॐ त्र्यम्बकं यजामहे सुगन्धिं पुष्टिवर्धनम् । उर्वारुकमिव बन्धनान्मृत्योर्मुक्षीय माऽमृतात् ॥

Om tryambakam yajamahe sugandhim pushtivardhanam. Urvarukamiva bandhanan mrityor mukshiya maamritat.

1 — न

नागेन्द्रहाराय त्रिलोचनाय भस्माङ्गरागाय महेश्वराय । नित्याय शुद्धाय दिगम्बराय तस्मै नकाराय नमः शिवाय ॥

Nagendraharaya trilochanaya bhasmangaragaya maheshvaraya. Nityaya shuddhaya digambaraya tasmai nakaraya namah Shivaya.

2 — म

मन्दाकिनिसलिलचन्दनचर्चिताय नन्दीश्वरप्रमथनाथमहेश्वराय । मन्दारपुष्पबहुपुष्पसुपूजिताय तस्मै मकाराय नमः शिवाय ॥

Mandakinisalilachandanacharchitaya nandishvarapramathanathamaheshvaraya. Mandarapushpabahupushpasupujitaya tasmai makaraya namah Shivaya.

3 — शि

शिवाय गौरीवदनाब्जबृन्दसूर्याय दक्षाध्वरनाशकाय । श्रीनीलकण्ठाय वृषध्वजाय तस्मै शिकाराय नमः शिवाय ॥

Shivaya gaurivadanabjabhrindasuryaya dakshadhvaranashakaya. Shrinilakanthaya vrishadhvajaya tasmai shikaraya namah Shivaya.

4 — व

वसिष्ठकुम्भोद्भवगौतमार्यमुनीन्द्रदेवार्चितशेखराय । चन्द्रार्कवैश्वानरलोचनाय तस्मै वकाराय नमः शिवाय ॥

Vasishthakumbhodbhavagautamaryamunindradevarchitashekharaya. Chandrakavaishvanaralochanaya tasmai vakaraya namah Shivaya.

5 — य

यक्षस्वरूपाय जटाधराय पिनाकहस्ताय सनातनाय । दिव्याय देवाय दिगम्बराय तस्मै यकाराय नमः शिवाय ॥

Yakshasvarupaya jatadharaya pinakahastaya sanatanaya. Divyaya devaya digambaraya tasmai yakaraya namah Shivaya.

Phala shruti

पञ्चाक्षरमिदं पुण्यं यः पठेच्छिवसन्निधौ । शिवलोकमवाप्नोति शिवेन सह मोदते ॥

Panchaksharamidam punyam yah pathechchivasannidhau. Shivalokamavapnoti Shivena saha modate.