Shri Raghavachetanacharya Ashtakam

1

राघवोपासकं चाथ रामभक्तिप्रदं कविम्। राघवचेतनं वन्दे द्वाराचार्यं जगद्गुरुम्॥

2

आनन्दभाष्यमर्मज्ञं तत्त्वत्रयोपदेशकम्। राघवचेतनं वन्दे द्वाराचार्यं जगद्गुरुम्॥

3

रामानन्दीयधर्माब्जभास्कर चाज्ञताहरम्। राघवचेतनं वन्दे द्वाराचार्यं जगद्गुरुम्॥

4

कथाकीर्त्तनकर्त्तार जानकी-जानकीशयोः। राघवचेतनं वन्दे द्वाराचार्यं जगद्गुरुम्॥

5

वैष्णवधर्मवक्तारं विशिष्टाद्वैतवादिनम्। राघवचेतनं वन्दे द्वाराचार्यं जगद्गुरुम्॥

6

सिद्धवादिविजेतारं मुक्तिमार्गप्रकाशकम्। राघवचेतनं वन्दे द्वाराचार्यं जगद्गुरुम्॥

7

मन्त्रमुद्रादिसंस्कारकारकं साधुसेवकम्। राघवचेतनं वन्दे द्वाराचार्यं जगद्गुरुम्॥

8

मन्त्रराजादिमन्त्रज्ञं मन्त्रराजादिमन्त्रदम्। राघवचेतनं वन्दे द्वाराचार्यं जगद्गुरुम्॥