agastyAShTakam

1

अगस्त्यप्रोक्तं शिवाष्टकम्। अद्य मे सफलं जन्म चाद्य मे सफलं तपः। अद्य मे सफलं ज्ञानं शम्भो त्वत्पाददर्शनात्॥

2

कृतार्थोऽहं कृतार्थोऽहं कृतार्थोऽहं महेश्वर। अद्य ते पादपद्मस्य दर्शनात्भक्तवत्सल॥

3

शिवश्शम्भुः शिवश्शम्भुः शिवश्शम्भुः शिवश्शिवः। इति व्याहरतो नित्यं दिनान्यायान्तु यान्तु मे॥

4

शिवे भक्तिश्शिवे भक्तिश्शिवे भक्तिर्भवेभवे। सदा भूयात् सदा भूयात्सदा भूयात्सुनिश्चला॥

5

आजन्म मरणं यस्य महादेवान्यदैवतम्। माजनिष्यत मद्वंशे जातो वा द्राग्विपद्यताम्॥

6

जातस्य जायमानस्य गर्भस्थस्याऽपि देहिनः। माभून्मम कुले जन्म यस्य शम्भुर्न-दैवतम्॥

7

वयं धन्या वयं धन्या वयं धन्या जगत्त्रये। आदिदेवो महादेवो यदस्मत्कुलदैवतम्॥

8

हर शम्भो महादेव विश्वेशामरवल्लभ। शिवशङ्कर सर्वात्मन्नीलकण्ठ नमोऽस्तु ते॥

9

अगस्त्याष्टकमेतत्तु यः पठेच्छिवसन्निधौ। शिवलोकमवाप्नोति शिवेन सह मोदते॥

10

इत्यगस्त्याष्टकं सम्पूर्णम्॥