AbhilaShashtakam

1

यतीन्द्रनैगमागमादिगीतकीर्तिसञ्चय समस्तविश्वजान्तप प्रपन्नदुःखमोचन। मृडादिलेखवन्दित स्वतन्त्र नन्दनन्दन (शिवादि देव वन्दित) कदा स्वकीयदर्शनं ददासि मेऽमृतोपमम्॥

2

सदभ्रसान्द्रचिक्कणातिनीलचूर्णकुन्तल (सूक्ष्म, निरन्तर, कुटिल, मयूरापिच्छ, मणिः ङीषन्तोऽपि) शिखण्डरुक्मसन्मणीखचत्किरीटकुण्डल। मृगाक्षिकञ्जनेत्र मन्दहाससारुणाधर कदा स्वकीयदर्शनं ददासि मेऽमृतोपमम्॥

3

कपोलगोलसुन्दराननप्रभाविलज्जित प्रपूर्णचन्द्रमण्डल त्रिरेखकम्बुकन्दर। उरस्थकौस्तुभादिक प्रफुल्लपुष्पलम्बन कदा स्वकीयदर्शनं ददासि मेऽमृतोपमम्॥

4

नभस्थतारकागणप्रवेष्टहीरकाङ्गद (प्रवेष्ट एवं भुजा) प्रकोष्ठहेमकङ्कणाङ्गुलीवराङ्गुलीयक। सवेत्रवेणुरक्त पञ्चशोखकञ्जकोमल (हस्त) कदा स्वकीयदर्शनं ददासि मेऽमृतोपमम्॥

5

तडिच्छचीशकार्मुकोपमोत्तमौत्तरीयक दुकूलपीतमेदिनीसमुद्रमेखलाकटे। कटाग्रपादलम्बमाननिष्प्रवाण्यधोंऽशुक कदा स्वकीयदर्शनं ददासि मेऽमृतोपमम्॥

6

प्रशस्तरत्नकिङ्किणीपदारविन्दनूपुर रवाक्षरप्रसक्तधीमुनीन्द्रमानसप्रिय। पुनर्भवप्रवालवृन्दरक्तकाश्यपीस्थल (पुनर्भवं एवं नखं, प्रवालवृन्द एवं विद्रुमः, काश्यपीस्थल एवं पृथ्वी) कदा स्वकीयदर्शनं ददासि मेऽमृतोपमम्॥

7

नवातसीप्रसूनसन्निभाभिराममेचक शरीरपञ्चमार्गणातिमोहनाङ्गमण्डन। अनन्तसौख्यसागराऽसमाधिकादिविग्रह कदा स्वकीयदर्शनं ददासि मेऽमृतोपमम्॥

8

इतोप्यनल्पसौभगस्वभक्तभक्तिदन्त्रक त्रिलोकवैभवप्रद त्रिकर्मपाशनाशक। स्वकीयहृत्सरोरुहस्थ सद्गते नमोऽस्तु ते कदा स्वकीयदर्शनं ददासि मेऽमृतोपमम्॥

9

इतीदमद्भुताष्टकं निशम्य नन्दनन्दनो ददाति सन्ततं जनं प्रति स्वकीयदर्शनम्। कृतं गवादिपालदासनानकीयसाधुना व्रजेशकृष्णदर्शनाभिलाषिणा सुमाथुरे॥