Shiva Ashtakam

1

श्रीगणेशाय नमः। प्रभुमीशमनीशमशेषगुणं गुणहीनमहीश-गलाभरणम्। रण-निर्जित-दुर्ज्जयदैत्यपुरं प्रणमामिशिवं शिवकल्पतरुम्॥

2

गिरिराज सुतान्वित-वाम तनुं तनु-निन्दित-राजित-कोटीविधुम्। विधि-विष्णु-शिवस्तुत-पादयुगं प्रणमामिशिवं शिवकल्पतरुम्॥

3

शशिलाञ्छित-रञ्जित-सन्मुकुटं कटिलम्बित-सुन्दर-कृत्तिपटम्। सुरशैवलिनी-कृत-पूतजटं प्रणमामिशिवं शिवकल्पतरुम्॥

4

नयनत्रय-भूषित-चारुमुखं मुखपद्म-पराजित-कोटिविधुम्। विधु-खण्ड-विमण्डित-भालतटं प्रणमामिशिवं शिवकल्पतरुम्॥

5

वृषराज-निकेतनमादिगुरुं गरलाशनमाजि विषाणधरम्। प्रमथाधिप-सेवक-रञ्जनकं प्रणमामिशिवं शिवकल्पतरुम्॥

6

मकरध्वज-मत्तमतङ्गहरं करिचर्म्मगनाग-विबोधकरम्। वरदाभय-शूलविषाण-धरं प्रणमामिशिवं शिवकल्पतरुम्॥

7

जगदुद्भव-पालन-नाशकरं कृपयैव पुनस्त्रय रूपधरम्। प्रिय मानव-साधुजनैकगतिं प्रणमामिशिवं शिवकल्पतरुम्॥

8

न दत्तन्तु पुष्पं सदा पाप चित्तैः पुनर्जन्म दुःखात् परित्राहि शम्भो। भजतोऽखिल दुःख समूह हरं प्रणमामिशिवं शिवकल्पतरुम्॥

9

इति शिवाष्टकं सम्पूर्णम्॥