Shri Nilakantha Namah Shivaya Ashtakam

1

नमो नमः कारणकारणाय जगन्मयायाहितपाशकाय। त्वत्पादपद्माश्रितरक्षकाय श्रीनीलकण्ठाय नमः शिवाय॥

2

ध्यायन्ति ये त्वां यतयः स्तुवन्ति हृदम्बुजे दीपसमप्रकाशम्। नासाग्रविन्यस्तविलोचनाय श्रीनीलकण्ठाय नमः शिवाय॥

3

सर्गस्थितिध्वंसनकारणाय यमादियोगाष्टकसिद्धिदाय। तपस्विनां शीघ्रफलप्रदाय। श्रीनीलकण्ठाय नमः शिवाय॥

4

वेदादिरूपाय त्रिलोचनाय वेदान्तवेद्याय दिगम्बराय। विभूतिशुभ्राय जटाधराय श्रीनीलकण्ठाय नमः शिवाय॥

5

उग्राय संसारभयापहाय ज्ञानप्रदायशुसुखप्रदाय। कालान्तकाय प्रलयानिलाय श्रीनीलकण्ठाय नमः शिवाय॥

6

विधातृरूपाय जगद्धिताय रमेशरूपाय सदाशिवाय। अनन्तरूपाय चतुर्भुजाय श्रीनीलकण्ठाय नमः शिवाय॥

7

विश्वैकवन्द्याय कलाधराय समस्तलोकैकसमाश्रयाय। कुठारपाशाङ्कुशपालिने च श्रीनीलकण्ठाय नमः शिवाय॥

8

शर्वाय सर्वप्रियकारणाय पिनाकिने बाणधराय तुभ्यम्। गौरीप्रियायाखिलपालकाय श्रीनीलकण्ठाय नमः शिवाय॥

9

इति स्तुत्वा महादेवं प्रणम्य च पुनः पुनः। विदध्यू ऋषयस्तत्र सुराः पद्मभुवादयः॥