Nairatmashtaka Stotram

1

निरालम्बनिराकारनिर्विकल्पस्वरूपिणी। नैरात्मा वरदा देवी नित्यमेव नमोऽस्तु ते॥

2

एकवक्त्रां त्रिनेत्रां च ऊर्ध्वपिङ्गलमूर्धजाम्। करे कर्तिकपालां च नमामि विश्वमातरीम्॥

3

नवनृत्यभूषितां च सहस्रमुखरूपिणीम्। योगेश्वरीं योगगम्यां नमामि ज्ञानरूपिणीम्॥

4

शवारूढां महातेजां सर्वदुष्टनिकृन्तनीम्। सर्वपापहरां देवीं नमामि जगदीश्वरीम्॥

5

गौरीं चौरीं च वेतालीं घस्मरीं पुक्कसीं तथा। शबरीं चाण्डालीं डोम्बीं नमामि चाष्टयोगिनीम्॥

6

ब्रह्माविष्णुशिवशक्रचतुर्मारविनाशिनीम्। त्रैलोक्यमोहिनीं देवीं नमामि सुरसुन्दरीम्॥

7

अक्षमालविभूषाङ्गीमकारबीजसम्भवाम्। नित्यं ध्यानरतां देवीं नमामि विश्वमातरीम्॥

8

सर्वभूतप्रियां देवीं सर्वमन्त्रप्रबोधिनीम्। सर्वमन्त्रमयीं मातर्नैरात्मां त्वां नमाम्यहम्॥

9

इति नैरात्माष्टकस्तोत्रं सम्पूर्णम्॥