shrInavanItapriyAShTakam

1

अलकावृतलसदलिके विरचितकस्तूरिकातिलके। चपलयशोदाबाले शोभितभाले मतिर्मेऽस्तु॥

2

मुखरितनूपुरचरणे कटिबद्धक्षुद्रघण्टिकावरणे। द्वीपिकरजकृतभूषणभूषितहृदये मतिर्मेऽस्तु॥

3

करधृतनवनवनीते हितकृतजननीविभीषिकाभिते। रतिमुद्वहताच्चेतो गोपीभिर्वश्यतां नीते॥

4

बालदशामतिमुग्धे चोरितदुग्धे व्रजाङ्गनाभवनात्। तदुपालम्भवचोभयविभ्रमनयने मतिर्मेऽस्तु॥

5

व्रजकर्दमलिप्ताङ्गे स्वरूपसुषमाजितानङ्गे। कृतनन्दाङ्गणरिङ्गण विविधविहारे मतिर्मेऽस्तु॥

6

करवरधृतलघुलकुटे विचित्रमायूरचन्द्रिकामुकुटे। नासागतमुक्तामणिजटितविभूषे मतिर्मेऽस्तु॥

7

अभिनन्दनकृतनृत्ये विरचितनिजगोपिकाकृत्ये। आनन्दितनिजभृत्ये प्रहसनमुदिते मतिर्मेऽस्तु॥

8

कामादपि कमनीये नमनीये ब्रह्मरुद्राद्यैः। निःसाधवभजनीये भावतनौ मे मतिर्भूयात्॥

9

इति श्रीहरिदासविरचितं श्रीनवनीतप्रियाष्टकं सम्पूर्णम्॥