shrImukundarAyAShTakam

1

(रामकली-गणेश गीयते) वनितोपहासनृत्यत्स्मितवदनानन्दजोषतोषदायिन्। श्रीमन्मुकुन्दराय त्वय्यासक्तं मनो मेऽस्तु॥

2

मणिमयनन्दावासे कुमारिकावृन्दशोभिसद्धास्ये। नवनीतलोभितास्ये (सततं त्वयि हरौ) मतिर्मेऽस्तु॥

3

परिधृतहीरकहारं व्रजाङ्गनादर्शनीयकौमारम्। कृतगोपुच्छविहारं जितमारं प्रणौमि हृत्सारम्॥

4

सकलोपनिषत्सारं स्वानन्दाप्राकृताकारम्। वन्दे नन्दकुमारं वारं वारं स्वदातारम्॥

5

किङ्कणीनूपुररणितं (सततं) सिंहावलोकनं कर्त्रे। व्रजजनमानसहर्त्रे निजार्तिहर्त्रे नमस्कुर्मः॥

6

अलकसमावृतवदनं सुकुन्दकलिकासुशोभितं स्वास्यम्। गोपयुवतीरतिसदनं जितमदनं नन्दनन्दनं नौमि॥

7

व्रजकर्दमलिप्ताङ्गं करधृतनवनीतमोहितानङ्गम्। वन्दे लोलविलोचनासक्ताङ्गनासङ्गम्॥

8

नर्तनलीलाकरणं मनोहरणं वपुषा नन्दविस्तरणम्। सेवकजनभवतरणं यामि तमहं सदैव शरणम्॥

9

तव लीलारसलुब्धाः श्रीमुकुन्दरायाष्टकं प्रेष्णा। साधनजालसहस्रं त्यक्त्वाजस्रं पठध्वं वै॥