Shri Jambunatha Ashtakam 2

1

पराशर उवाच। सह्यात्मजापरिवहज्जलमज्जनाय सर्वेश्वराय सरसीरुहलोचनाय। कैलासभासुरकरीन्द्रवनालयाय श्रीजम्बुमूलनिलयाय नमश्शिवाय॥

2

गौरीकरात्तविधिपुष्करिणीपवित्र पानीयपूरकबळीकृतविग्रहाय। दूरीकृताश्रितजनामयकल्मषाय श्रीजम्बुमूलनिलयाय नमश्शिवाय॥

3

ब्रह्मेन्द्रजम्बुमुनिरामशिवाग्न्यगस्त्य सूर्येन्दुमुख्यसुरतापसपूजिताय। कैवल्यदाय करिणः कमलार्चिताय श्रीजम्बुमूलनिलयाय नमश्शिवाय॥

4

शोणाक्षचोळकृतगोपुरसौधसाल सन्मण्डपोज्ज्वलगजेन्द्रवनस्थिताय। ऊर्णायुतन्तुमयमन्दिरवासिनेप्राक् श्रीजम्बुमूलनिलयाय नमश्शिवाय॥

5

चोळाङ्गनागळपरिच्युतसिन्धुनीत मुक्ताविभूषणभृते ह्यमृतेश्वराय। श्रेयस्कराय नवतीर्थगवाक्षरन्ध्रै श्श्रीजम्बुमूलनिलयाय नमश्शिवाय॥

6

स्नानेषुगव्यदळमृद्गणदेयदूर्वा सङ्ख्याम्प्रकाश्यनिजसव्यगवाक्षरन्ध्रैः। तन्मण्डलञ्चभुवनावनदीक्षिताय श्रीजम्बुमूलनिलयाय नमश्शिवाय॥

7

इन्द्रस्यवृत्रवधदोषमपोह्य तस्मै स्वाराज्यदाय निजपादसमर्चकाय। भक्तार्तिभञ्जनकृते परमेश्वराय श्रीजम्बुमूलनिलयाय नमश्शिवाय॥

8

श्रुत्यन्तवेद्यमहसे किटिहंसरूप गोविन्दपद्मभवमृग्यपदाब्जमूर्ध्ने। भूयोऽखिलाण्डरमणीसततार्चिताय श्रीजम्बुमूलनिलयाय नमश्शिवाय॥

9

जम्बूनाथ प्रसीद प्रमथवरदया मेयकारुण्यमूर्ते कामारे कामवैरिन् कबलितगरळा शेषलोकैकनाथ। वेधो देवेन्द्र जम्बूमुनि रघुतिलको माग्न्यगस्त्येन्दुलूता मातङ्गार्काभिपूज्य प्रशमय दुरितं भो नमस्ते नमस्ते॥